ANG TAWAG SA PAGSAMBA

Deacon Jayvie Bautista

Patnugot:  Mahabag ka, O aking DIYOS, Ikaw sana ay mahabag; sa Iyo ako lumalapit upang ako ay maligtas, pagkat aking nasumpungan sa lilim ng Iyong pakpak, ligtas ako sa panganib hanggang ito ay lumipas.

     Lahat: Purihin ka nawa, O DIYOS, sa rurok ng kalangitan; dito naman sa daigdig ay ang Iyong karangalan.

     Patnugot:  “Isang bagong awit ang sa aki’y itinuro, papuri sa Diyos, ang awit ng puso.

      Lahat: “Yahweh, aming Diyos na dinadakila,..aming ihahayag ang Iyong pagliligtas. Ang wagas Mong pag-ibig at Iyong katapatan, ang siyang mag-iingat sa amin magpakailanman. Amen.”   (Isaias 40 Sel)

PAMBUNGAD NA PANANALANGIN *

MGA PAPURING AWIT

Elder Mike Delfin at Praise Team

PAGBABALITA

ANG SALITA NG DIYOS

Text: 1 Pedro 4: 12-19 / Deacon Flam Jamir

 4:12 Mga minamahal, huwag na kayong magtaka sa mabibigat na pagsubok na inyong dinaranas na para bang ito’y di pangkaraniwan. Sa halip, magalak kayo sa inyong pakikibahagi sa mga paghihirap ni Cristo upang maging lubos ang inyong kagalakan kapag nahayag na ang kanyang kadakilaan. Mapalad kayo kung kayo’y kinukutya dahil kay Cristo, sapagkat sumasainyo ang Espiritu ng kaluwalhatian, ang Espiritu ng Diyos. Huwag nawang mangyaring maparusahan ang sinuman sa inyo dahil siya’y mamamatay-tao, magnanakaw, salarin o pakialamero. Ngunit kung kayo’y magdusa dahil sa pagiging Cristiano, huwag ninyong ikahiya ito; sa halip, magpasalamat kayo sa Diyos sapagkat taglay ninyo ang pangalan ni Cristo. Dumating na ang panahon ng paghuhukom, at ito’y magsisimula sa mga bayan ng Diyos. At kung sa atin ito magsisimula, ano kaya ang magiging wakas ng mga hindi sumusunod sa Magandang Balita ng Diyos? Tulad ng sinasabi ng kasulatan, “Kung ang taong matuwid ay napakahirap maligtas, ang di kumikilala sa Diyos, paano pa maliligtas?” Kaya nga, ang mga naghihirap dahil sa kalooban ng Diyos ay dapat magtiwala sa Lumikha, at magpatuloy sa paggawa ng mabuti. Ang Diyos ay laging tapat sa kanyang pangako.

Pinagpala tayo sa pagkabasa at pagkarinig ng Salita ng Diyos.

ANG MENSAHE

“Maging Matatag Sa Gitna Ng Kahirapan”
Pastor Domz Roberto

PAHAYAG NG ATING PANANAMPALATAYA

“Nawa’y lubusan kayong gawing banal ng Diyos na siyang nagbibigay ng kapayapaan. At nawa’y panatilihin niyang walang kapintasan ang buo ninyong katauhan, ang Espiritu, kaluluwa at katawan, hanggang sa pagparito ng ating Panginoong Jesu-Cristo. Tapat ang tumawag sa inyo at gagawin Niya ang mga bagay na ito.” (1 Tesalonica Sel)

“Ito’y ating pinaniniwalaan, at sa ganito tayo mamumuhay”

HANDOG NA AWIT

Robelyn Dominguez

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

Deacon Jayvie Bautista

HULING AWITIN

#172) O Dios Naming Ama Laging Tapat Ka
(Great is Thy Faithfulness)

O Dios naming Ama, laging tapat Ka.
Hindi nagbabago sa twi-twina;
Namamalagi ang awa’t pagsinta,
Ang katapatan Mo’y walang hangga.

[Koro]
Tunay Kang matapat. Tunay Kang matapat.
Araw-araw aking namamalas.
Ang nasa ko ay aking natatanggap.
Tunay Kang matapat hanggang wakas.

Kapatawaran at kapayapaan
Mga pangako Mong umaakbay
Ang pag-asa’t lakas ay sumisilang,
Ang lahat ng ito’y kaloob lamang. (Koro)

PANGWAKAS NA PANALANGIN

PAGPAPALANG APOSTOL

TATLONG AMEN