ANG TAWAG SA PAGSAMBA

Elder Way Silla

“Tanging sa Diyos lamang ako ay aasa; ang kaligtasa’y nagbubuhat sa Kanya. Tanging Siya lamang ang tagapag-ligtas, tagapagtanggol ko at aking kalasag; akin ang tagumpay sa lahat ng oras! Ang kaligtasan ko’t aking karangalan ay buhat sa Diyos, nasa Kanya lamang. Siya’y malakas kong tagapag sanggalang, matibay na muog na aking kanlungan.” Ating purihin ang Kanyang kabanal-banalan! (Awit 62 Sel.)

PAMBUNGAD NA PANANALANGIN

MGA PAPURING AWIT

Elder Mike Delfin at Praise Team

PAGBABALITA

ANG SALITA NG DIYOS

Elder Lito Silla

Mga Gawa 2: 1-13
Ang Pagdating Ng Espiritu

1:1 Nagkakatipon silang lahat sa isang lugar ng sumapit ang araw ng Pentecostes. 2Walang anu-ano’y may ingay na nagmula sa langit, na tulad ng ugong ng isang malakas ng hangin, at napuno nito ang bahay na kinaroroonan nila. 3May nakita silang parang mga dilang apoy na dumapo sa bawat isa sa kanila, 4at silang lahat ay napuspos ng Espiritu Santo at nagsimulang magsalita ng iba’t ibang wika, ayon sa pinagkaloob sa kanila ng Espiritu. 5May mga debotong Judio noon sa Jerusalem na nagmula sa bawat bansa sa buong mundo. 6Nang marinig nila ang ugong , nagda tingan ang maraming tao. Namangha sila sapagkat nagsasalita ang mga alagad sa wika ng mga nakikinig. 7Sa pagkamangha at pagtataka ay kanilang nasabi, “Hindi ba taga-Galilea silang lahat? 8Bakit sila nakakapagsasalita sa ating wika? 9Tayo’y mga taga Partia, Media, Elam, Mesopotamia, Judea at Capadocia, Ponto at Asia. 10Mayroon pa sa ating taga-Frigia at Pamfilia, Egipto at sa mga lupain ng Libya na malapit sa lupain ng Cirene, at mga nagmula sa Roma, mga Judio at mga Hentil na naaakit sa pananampalatayang Judio. 11May mga taga-Creta at Arabia rin. Paano sila nakakapagsalita sa ating mga wika tungkol sa mga kahanga-hangang ginawa ng Diyos?” 12Hindi nila lubusang maunawaan ang nangyari, kaya’t nagtatanungan sila, “Ano ang kahulugan nito ?” 13Ngunit may ilang nagsabi nang pakutya, “Lasing lang ang mga iyan!”

“Pinagpala tayong lahat sa pagkabasa at pagkarinig ng mga Salita ng Diyos.”

ANG MENSAHE

“BUMABA ANG APOY”
Elder / Pastor Ed Ramos

PAHAYAG NG ATING PANANAMPALATAYA

“ Sinasabi ko sa inyo, ang Espiritu ang gawin ninyong patnubay sa inyong buhay at hindi kayo magiging alipin ng hilig ng laman. Sapagkat ang mga nasa ng laman ay laban sa kalooban ng Espiritu at ang kalooban ng Espiritu ay laban sa mga nasa ng laman. Laging naglalaban ang dalawang ito kaya’t hindi ninyo magawa ang nais ninyong gawin. Kung pina patnubayan kayo ng Espiritu, wala na kayo sa ilalim ng Kautusan.” (Galacia 5: 16-18)

“Ito ang ating pinaniniwalaan, at sa ganito tayo mamumuhay”

HANDOG NA AWIT

Jell, Cathly at Jayvie

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

HULING AWITIN

#199) Kabanal-Banalan

Kabanal-banalan,
Makapangyarihan
Sa bukang liwayway
Ikaw’y aawitan
Kabanal, banalan
Mahabaging tunay
Tatlong Personang
Dios na marangal.

Kabanal-banalan,
Pinupuring tunay
Ang anghel sa langit
Iyo’y nagpupugay
Sa iyong paanan ay iniaalay
Puri, Lualhati na walang hangan.

Kabanal banalan
Makapangyarihan
Lupa’t langit,
Nagpupuri sa Iyong ngalan
Kabanal banalan
mahabaging tunay
TATLONG PERSONA
Diyos na marangal

PANGWAKAS NA PANALANGIN

PAGPAPALANG APOSTOL

TATLONG AMEN