ANG TAWAG SA PAGSAMBA

Elder Jopy Lopez

“Ikaw, Panginoon, ang aking Diyos, aking Kalakasan; Ikaw ang Muog ko at aking Kanlungan. Ako’y minamahal, mahal ako ng Diyos. Pupurihin Kita, Tagapagtanggol ko at aking Kanlungan at Diyos kong mapagmahal. Sa Iyo ang kapurihan at karangalan, ang aming pagsamba ay sa Iyo namin ini-aalay.” (Awit 59 Sel.)

PAMBUNGAD NA PANANALANGIN

MGA PAPURING AWIT

Elder Dennis Bartolome (at Praise Team)

PAGBABALITA

ANG SALITA NG DIYOS

Elder Nap Bautista

Juan 21: 1-14
Si Jesus at ang Mahimalang Paghuli ng Isda

21:1 Pagkatapos ng mga bagay na ito, nagpakitang muli si Jesus sa kaniyang mga alagad sa lawa ng Tiberias. Ganito siya nagpakita: 2Magkakasama sina Simon Pedro at Tomas na tinatawag na Kambal at si Natanael na taga-Cana ng Galilea, ang mga anak ni Zebedeo at dalawa pang mga alagad. 3 Sinabi ni Simon Pedro sa kanila: Mangi ngisda ako. Sinabi nila sa kaniya: Sasama rin kami sa iyo. Lumabas sila mula roon at agad-agad na sumakay sa bangka. Wala silang nahuli nang gabing iyon. 4 Nang magbubukang-liwayway na, si Jesus ay tumayo sa tabing-dagat. Gayunman, hindi nakilala ng mga alagad na iyon ay si Jesus. 5 Sinabi nga ni Jesus sa kanila: Mga anak, may pagkain ba kayo ? Sumagot sila sa kaniya: Wala. 6 At sinabi niya sa kanila: Ihagis ninyo ang lambat sa dakong kanan ng bangka at makakasumpong kayo. Inihagis nga nila at hindi na nila kayang hilahin ang kanilang lambat dahil sa dami ng isda. 7Kaya ang alagad na iyon na inibig ni Jesus ay nagsabi kay Pedro: Ang Panginoon iyon, isinuot niya ang kaniyang pang-itaas na damit dahil siya ay nakahubad. At tumalon siya sa lawa. 8 Ang ibang mga alagad ay dumating na sakay ng maliit na bangka. Hinihila nila ang lambat na may mga isda sapagkat hindi gaanong malayo sa pampang kundi may dalawang-daang siko lamang ang layo mula sa lupa. 9 Pagka lunsad nila sa lupa, nakakita sila ng mga nagbabagang uling. May mga isdang nakapatong doon. May mga tinapay rin. 10 Sinabi ni Jesus sa kanila: Dalhin ninyo rito ang mga isda na ngayon lang ninyo nahuli. 11 Umahon si Simon Pedro. Hinila niya ang lambat sa dalampasigan. Ang lambat ay puno ng mga malalaking isda. Isang daan at limampu’t tatlo ang kanilang bilang. Kahit na ganoon karami ang isda, hindi napunit ang lambat. 12 Sinabi ni Jesus sa kanila: Halikayo at mag agahan. Walang sinuman sa mga alagad ang naglakas loob na magtanong kung sino siya dahil alam nila na siya ang Panginoon. 13Kaya nga, lumapit si Jesus, kinuha ang tinapay at ibinigay sa kanila. 14Ito na ang ikatlong ulit na nagpakita si Jesus sa kaniyang mga alagad mula nang siya ay ibinangon mula sa mga patay.

“Pinagpala tayo sa pagkabasa at pagkarinig ng mga Salita ng Diyos.”

ANG MENSAHE

“Ang Makapangyarihang Salita ni Jesus”
Pastor Domz Roberto

PAHAYAG NG ATING PANANAMPALATAYA

“Dati, tayo’y mga kaaway ng Diyos, ngunit tinanggap na niya tayo bilang mga kaibigan sa pamamagitan ng pagkamatay ng kanyang Anak. At dahil dito, tiyak na maliligtas tayo sapagkat si Cristo ay buhay. At hindi lamang iyan! Tayo’y nagagalak at nagpupuri sa Diyos sa pamamagitan ng ating Panginoong Jesu-Cristo, sapagkat dahil sa kanya ay tinanggap tayo bilang mga kaibigan ng Diyos.” (Roma 5: 10-11)

“Ito ang ating pinaniniwalaan, at sa ganito tayo mamumuhay”

HANDOG NA AWIT

Kap. Robelyn Dominguez

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

HULING AWITIN

#262) O Haring Walang Hanggan

O Haring walang hanggan
Iyong pangunahan Sa laot ng
digmaan Kublihan ay Ikaw.
Sa paghahanda namin
Iyong palakasin, O Haring walang
maliw, Ikaw’y awit namin.

Pangunahan mo twina,
Haring walang hanggan
Ang hirap madlang dusa’y
Magiging ligaya; Gawaing
kabanalan, Sa digma’y paparam,
at ang magtatagumpay
Ang Diyos nating banal.

Pangunahan Mo twina,
Haring walang hanggan,
Kaloob na umaga,
Dulot ay ginhawa,
Krus mo ang aming ilaw,
Sa daan ng buhay,
Hanggang koronang alay
Sa langit ay kamtan.

PANGWAKAS NA PANALANGIN

PAGPAPALANG APOSTOL

TATLONG AMEN