ANG TAWAG SA PAGSAMBA

Deacon Olen Martin

Deacon: Ang boong daigdig at ang lahat ng naroon, ang may- ari ay si
Yahweh na ating Panginoon.
Lahat: Itinayo Niya ang daigdig sa ibabaw ng karagatan, Inilagay ang
pundasion sa mga tubig sa kalaliman.
Deacon: Ang taong malinis ang buhay pati ang isipan, hindi
sumasamba sa mga diyus-diyosan at hindi sumusumpa ng
kasinungalingan.
Lahat : Bibigyan siya ni Yahweh ng pagpapala’t kaligtasan,
ipahahayag siya ng Diyos na walang kasalanan.Ganoon ang
mga taong lumalapit sa Diyos…kaya’t Siya’y purihin ng
kalahatan! (Mga Awit 24 Sel.)

PAMBUNGAD NA PANANALANGIN *

MGA PAPURING AWIT

Elder Mike Delfin at Praise Team

PAGBABALITA

ANG SALITA NG DIYOS

Kap. Baby Ignacio
Kap. Rebecca Martin

ANG SALITA NG DIYOS
MGA GAWA 4: 1-14 4:1

Nagsasalita pa sina Pedro at Juan sa mga taong bayan nang dumating ang mga paring Judio, ang kapitan ng mga bantay sa Templo at ang mga Saduseo. 2Galit na galit sila sa dalawang apostol dahil itinuturo ng mga ito sa mga tao na si Jesus ay muling nabuhay, at iyon ang katibayan na muling mabubuhay ang mga patay. 3Kaya’t dinakip nila ang dalawa, at ikinulong muna hanggang kinabukasan sapagkat gabi na noon. 4Gayunman, marami sa nakarinig ng kanilang pangangaral ang sumam palataya kay Jesus, kaya’t umabot sa limanlibo ang bilang ng mga lalaki. 5Kinabukasan, nagtipon sa Jerusalem ang mga pinuno ng mga Judio, ang mga matatandang namumuno sa bayan at ang mga tagapagturo ng Kautusan. 6Kasama nila si Anas, ang pinakapunong pari, si Caifas, si Juan, si Alejandro, at ang iba pang mga kamag-anak ng pinakapunong pari. 7Pinatayo nila sa harap ang mga apostol at tinanong, “Sa anong kapangyarihan o sa kaninong pangalan ninyo ginagawa ang bagay na ito?” 8Sumagot si Pedro na puspos ng Espiritu Santo, “Mga tagapanguna at mga pinuno ng bayan, 9Kung sinisiyasat ninyo kami ngayon tungkol sa kabutihang ginawa namin sa lumpong ito at kung paano siya gumaling, 10nais kong malaman ninyong lahat at ng buong Israel na ang taong ito ay nakatayo sa inyong harapan at lubusang gumaling dahil sa kapangyarihan ng pangalan ni Jesu-Cristo na taga Nazaret, na inyong ipinako sa krus ngunit muling binuhay ng Diyos. 11Ang Jesus na ito “Ang batong itinakwil ninyong mga tagapagtayo ng bahay, ang Siyang naging batong-panulukan.” 12 Sa kanya lamang matatagpuan ang kaligtasan, sapagkat walang ibang pangalan sa buong daigdig na ibinigay ng Diyos sa mga tao upang tayo ay maligtas.” 13Nagtaka ang buong Kataas taasang Kapulungan ng mga Judio sa katapangang ipinakita nina Pedro at Juan, lalo na ng malaman nilang mga karaniwang tao lamang ang mga ito at hindi nakapag-aral. Nabatid nilang dating kasamahan ni Jesus ang mga ito. 14 Ngunit dahil kaharap nila ang taong pinagaling, na nakatayo sa tabi nina Pedro at Juan, wala silang masabi laban sa dalawa.

Pinagpala tayong lahat sa pagkabasa at pagkarinig ng mga Salita ng Diyos.

ANG MENSAHE

“PAGHARAP SA MGA HAMON”
Pastor Domz Roberto

PAHAYAG NG ATING PANANAMPALATAYA

Kaya’t kung nakipag-isa na kay Cristo ang isang tao, isa na siyang bagong nilalang. Wala na ang dati niyang pagkatao, sa halip, ito’y napalitan na ng bago. Ang ibig sabihin, sa pamamagitan ni Cristo ang mga tao’y ibinilang ng Diyos na mga kaibigan, at hindi na niya tinatandaan ang kanilang mga kasalanan. (1 Corinto 5 Sel.) SALAMAT AMA SA KABUTIHAN MO!

“Ito ang ating pinaniniwalaan, at sa ganito tayo mamumuhay”

HANDOG NA AWIT

CPC Coffee Boys

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

Deacon Olen Martin

HULING AWITIN

#170) Pag-asa Ko Ay Natatag

Pag-asa ko ay natatag
Sa kabanalan at hirap,
Hindi sa sariling lakas, Kungdi
kay Cristo kong liyag.

KORO:
Cristong matibay na bato
Ang Syang tanging sandigan ko,
Ang S’yang tanging sandigan ko.

Kanyang pangako sa akin Ang
alalay sa hilahil, Ang lupa man
ay magdilim, Pag-asa Siyang
walang maliw. (Koro)

Masumpungan sana ako
Sa muli N’yang pagparito
Na nadaramtang totoo
Ng kabanalan ni Cristo. (Koro)

PANGWAKAS NA PANALANGIN

PAGPAPALANG APOSTOL

TATLONG AMEN