ANG TAWAG SA PAGSAMBA

Elder Jopy Lopez

“Purihin kayo magpakailan man Yahweh, ang Diyos ni Israel na aming ama. Sa Inyo ang kadakilaan, ang kapangyarihan, ang karangalan at ang pagtatagumpay, sapagkat Inyo ang lahat na nasa langit at nasa lupa. Sa Inyo nagmumula ang kayamanan at ang karangalan at Kayo ang naghahari sa lahat. Taglay ninyo ang kapangyarihan at kadakilaan, at Kayo ang nagbibigay ng lakas at kapangyarihan sa lahat.” Kami ay nagpupuri sa inyo, dakilang Diyos! (Mga Awit 138 Sel)

PAMBUNGAD NA PANANALANGIN *

MGA PAPURING AWIT

Elder Dennis Bartolome at Praise Team

PAGBABALITA

ANG SALITA NG DIYOS

Kap. Rene Fernandez
Kap. Nelia Fernandez

LT - Mga Kawikaan 2: 1-12

2:1 Aking anak, ang mga pangaral ko ay dinggin mo, at ang aking mga utos, ingatan nga at sundin mo. 2Ang pakinig moy ibaling sa wastong karunungan, at ito ay isipin nang iyong maunawaan. 3 Pagsikapan mong hanapin ang tunay na kaalaman, pang-unawa’y pilitin mong makita at masumpungan. 4 Kung ito ay parang pilak na iyong hahanapin, at tulad ng ginto, na iyong miminahin, 5 malalaman mo kung ano ang kahulugan ng paggalang at pagsunod kay Yahweh, at matatamo ang kaalaman tungkol sa Diyos. 6 Sapagkat si Yahweh ang nagkakaloob ng karunungan, sa bibig niya ang kaalaman at unawa’y bumubukal. 7 Bibigyan niya ng unawa ang matuwid ang pamumuhay, at ang taong matapat ay kanyang iingatan. 8 Binabantayan niya ang daan ng katarungan, at ang lakad ng lingkod niya’y kanyang sinusubaybayan. 9 Kaya nga, iyong mau unawaan ang katuwiran at katarungan, at iyong susundan ang landas ng kabutihan. 10 Lalawak ang karunungang matatanim sa isipan, madadama ang kasiyahang dulot nitong kaalaman. 11 Ang natamong kaalaman sa iyo ay mag-iingat, ang unawa’y maglilihis sa liku-likong landas. 12 Ilalayo ka nito sa masamang pamumuhay, at doon sa mga taong ang nais ay kaguluhan.

BT - 1 Timoteo 4: 11-16

4:11 Ituro mo’t ipatupad ang lahat ng ito. 12 Huwag mong hayaang hamakin ka ninuman dahil sa iyong kabataan. Sa halip, sikapin mong maging halimbawa sa mga mananampalataya, sa iyong pagsasalita, pag-uugali, pag-ibig, pananampalataya at malinis na pamumuhay. 13 Habang wala pa ako riyan, iukol mo ang iyong panahon sa pagbabasa ng Kasulatan sa harap ng mga tao, sa pangangaral at sa pagtuturo. 14 Huwag mong pabayaan ang kaloob na ibinigay sa iyo nang magsalita ang mga propeta at ipatong sa iyo ng mga matatandang pinuno ng iglesya ang kanilang kamay. 15 Isagawa mo ang mga ito at pag ukulan mo ng panahon upang makita ng lahat ang iyong paglago. 16 Paka-ingatan mo ang iyong sarili at ang iyong pagtuturo. Patuloy mong gawin ang mga ito sapagkat sa paggawa mo nito ay maliligtas ka, pati na ang mga nakikinig sa iyo.

Pinagpala tayo sa pagkabasa at pagkarinig ng mga Salita ng Diyos!

ANG MENSAHE

“KARUNUNGAN. KAALAMAN,
at PANG-UNAWA”
Elder/Pastor Ed Ramos

PAHAYAG NG ATING PANANAMPALATAYA

“Binuhay kayong muli na kasama ni Cristo, kaya’t ang pagtuunan ninyo ng isip ay ang mga bagay na nasa langit na kinaroroonan ni Cristo , na nakaupo sa kanan ng Diyos. Ang mga bagay na panlangit ang isaisip ninyo, hindi ang mga bagay na panlupa, sapagkat namatay na kayo at ang inyong tunay na buhay ay natatago sa Diyos, kasama ni Cristo. Si Cristo ang inyong buhay, at kapag siya’y nahayag na, mahahayag din kayong kasama niya at makakahati sa kanyang karangalan.“ (Colosas 3 Sel )

“Ito ang ating pinaniniwalaan, at sa ganito tayo mamumuhay”

HANDOG NA AWIT

Joy Reyes at Jeanne Sanchez

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

Elder Jopy Lopez

HULING AWITIN

#301) Buhay Ko’y Kunin Ama

Buhay ko’y kunin, Ama
Sa Iyo’y italaga
Bisig kung kikilos pa,
Ay dahil sa pagsinta,
Ay dahil sa pagsinta.

Ang paa ko ay kunin Mo
Ng magamit sa Iyo
Gawin Mong ang tinig ko
Awitin ay si Cristo
Awitin ay si Cristo

Budhi ko’y gawing Iyo
Nang di na angkinin ko
Puso ko’y sa nasa Mo
Gawing luklukang trono
Gawing luklukang trono.

PANGWAKAS NA PANALANGIN

PAGPAPALANG APOSTOL

TATLONG AMEN