ANG TAWAG SA PAGSAMBA

Deacon Olen Martin

“Si Yahweh nga ang nagtayo ng trono sa kalangitan; mula doon, sa nilikha’y maghaharing walang hanggan. O purihin ninyo si Yahweh, kayong mga anghel ng Diyos, kayong mga nakikinig at sa Kanya’y sumusunod! Si Yahweh nga ay purihin ng buong sangkalangitan, kayong mga lingkod niyang masunurin kailanman. O purihin ninyo Siya, kayong lahat na nilalang.. O aking kaluluwa, si Yahweh ay papurihan.”
(Awit 130 Sel.)

PAMBUNGAD NA PANANALANGIN

MGA PAPURING AWIT

Elder Mike Delfin at Praise Team

PAGBABALITA

ANG SALITA NG DIYOS

Deacon Marie Saprid

2 Timoteo 1: 3-8
Pasasalamat at Paalala

1:3 Tuwing inaalala kita sa aking panalangin araw at gabi, nagpapasalamat ako sa Diyos na aking pinagli-lingkuran nang may malinis na budhi gaya ng ginawa ng aking mga ninuno. 4 Kapag naaalala ko ang iyong pagluha, nananabik akong makita ka upang malubos ang aking kagalakan. 5 Hindi ko nalilimutan ang tapat mong pananampalataya, na naunang tinaglay ng iyong lolang si Loida at ni Eunice na iyong ina. Natitiyak kong nasa iyo ang pananampalatayang ito. 6 Dahil dito, ipina-paalala ko sa iyo ng pag-alabin mong muli ang kaloob na ibinigay sa iyo ng Diyos ng ipatong ko sa iyo ang aking mga kamay. 7 Sapagkat ang espiritung ibinigay sa atin ng Diyos ay hindi Espiritu ng kahinaan ng loob, kundi Espiritu ng kapangyarihan, pag-ibig at pagpipigil sa sarili. 8 Kaya’t huwag kang mahihiyang magpatotoo para sa ating Panginoon, at huwag mo rin akong ikakahiya, na isang bilanggo alang-alang sa kanya. Sa halip, makihati ka sa pagtitiis para sa Magandang Balita. Umasa ka sa kapangyarihan ng Diyos.

“Pinagpala tayong lahat sa pagkabasa at pagkarinig ng mga Salita ng Diyos.”

ANG MENSAHE

“Pagiging Ina - Isang Pagpapala at
Pananagutan sa Diyos!”
Elder Luding Gonzales

PAHAYAG NG ATING PANANAMPALATAYA

“Mahirap makakita ng mabuting asawa, higit sa mamahaling alahas ang kanyang halaga…Wala siyang tigil sa paggawa, hindi halos nagpapahinga, humahabi ng kanyang telang lino at lana..Sa kanya’y mahalaga ang bawat ginagawa, hanggang hatinggabi’y makikitang nagtitiyaga…Matulungin siya sa mahirap at sa nangangailanga’y bukas ang palad…Marangal at kapita-pitagan ang kanyang kaanyuan at wala siyang pangamba sa bukas na daratal. Ang mga salita niya ay puspos ng karunungan at ang turo niya ay pawang katapatan. Sinusubay-bayan niyang mabuti ang kanyang sambahayan at hindi tumitigil sa paggawa araw-araw. Iginagalang siya ng kanyang mga anak at pinupuri ng kanyang kabiyak: Maraming babae na mabuting asawa, ngunit sa kanila’y nakahihigit ka. Mandaraya ang pang akit at kumu-kupas ang ganda, ngunit ang babaing gumagalang at sumusunod kay Yahwek ay pararangalan. Ibigay sa kanya ang lahat ng parangal, karapat-dapat siya sa papuri ng bayan.” (Mga Kawikaan 31 Sel)

“Ito ang ating pinaniniwalaan, at sa ganito tayo mamumuhay”

HANDOG NA AWIT

Joy Reyes at Jeanne Sanchez

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

HULING AWITIN

#304) Tahanang Kristiano (The Christian Home)

Tahanang Kristiano, likha ng Dios
Dakilang pamanang di matarok
At magpapatuloy na ibunsod’
Tahana’y itayo ng pag-irog

TahanangKristiano ay dambana
Na dalangi’t puri sa Lumikha
Pinagpalang buhay, lipos ng t’wa
Upang mapasigla ang mahina

Tahanang Kristiano ay ilantad
Sa lahat ng sama’y makitalad
Ihanda Mo kami sa pagtawag
Turuang humibik hangang wakas.

PANGWAKAS NA PANALANGIN

PAGPAPALANG APOSTOL

TATLONG AMEN