ANG TAWAG SA PAGSAMBA

Deacon Joyce Pakingan

“Lahat ng matuwid ay dapat magsaya, dahil sa ginawa ng Diyos sa kanila. Si Yahweh ay tapat sa Kanyang mga salita at maaasahan ang Kanyang mga ginawa…Mapalad ang bansang si Yahweh ang Diyos, mapalad ang Kanyang bayang ibinukod..Ang nagmamahal kay Yahweh ay nagtitiwala sa Kanyang pag-ibig at pagkalinga..Tanging si Yahweh ang ating pag-asa, tulong na malaki at sanggalang natin Siya.”
(Awit 33 Sel.)

PAMBUNGAD NA PANANALANGIN *

MGA PAPURING AWIT

Dennis Bartolome at Praise Team

PAGBABALITA

ANG SALITA NG DIYOS

Text: Roma 8: 18-28 / Kap. Cely Ortuoste

                               Ang Kaluwalhatiang Sasaatin

8:18  Para sa akin, ang mga pagtitiis natin sa kasalukuyan ay hindi maihahambing sa kaluwalhatiang ipahahayag sa atin balang araw. 19Sapagkat nananabik ang sangnilikha na ihayag ng Diyos ang kanyang mga anak. 20Nabigo ang sangnilikha, hindi dahil sa kagustuhan nito, kundi dahil itinulot iyon ng Diyos. Gayunman, nagbigay rin siya ng pag-asa 21 na ang lahat ng nilikha ay pinalaya ng Diyos upang hindi na ito mabulok at upang makabahagi ito sa maluwalhating kalayaan ng mga anak ng Diyos. 22Alam nating hanggang ngayo’y dumaraing ang sangnilikha dahil sa matinding hirap na tulad ng isang nanganganak. 23At hindi lamang ang sangnilikha , kundi tayong mga tumanggap na ng Espiritu bilang unang kaloob mula sa Diyos ay dumaraing din habang hinihintay natin ang paghahayag ng ating pagiging mga anak ng Diyos at ang pagpapalaya sa ating mga katawan. 24Naligtas tayo dahil sa pag-asang ito. Ngunit hindi iyon matatawag na pag-asa kung nakikita na natin ang ating inaasahan. Sapagkat sinong tao ang aasa pa kung ito’y nakikita na niya? 25Ngunit kung umaasa tayo sa hindi natin nakikita, hinihintay natin iyon nang buong tiyaga. 26Gayundin naman, tinutulungan tayo ng Espiritu sa ating kahinaan,, sapagkat hindi tayo marunong manalangin nang nararapat, kaya’t ang Espiritu ang namamagitan para sa atin, at dumaraing sa paraang hindi natin kayang sambitin 27 At ang Diyos na siyang nakakasaliksik sa puso ng tao, ang siyang nakakaalam kung ano ang kalooban ng Espiritu, sapagkat ang Espiritu ang namamagitan para sa atin ayon sa kalooban ng Diyos. 28Alam nating sa lahat ng bagay ay gumagawa ang Diyos para sa mabuti kasama ang mga nagmamahal sa kanya, silang mga tinawag ayon sa kanyang layunin.

Pinagpala tayo sa pagkabasa at pagkarinig ng Salita ng Diyos.

ANG MENSAHE

“K A L U W A L H A T I A N”
Pastor Domz Roberto

PAHAYAG NG ATING PANANAMPALATAYA

“Ngunit ang may karunungang mula sa Diyos, una sa lahat ay malinis ang pamumuhay, maibigin sa kapayapaan, mahinahon, mapagbigay, mahabagin, masipag sa paggawa ng mabuti, hindi nagtatangi at hindi nagkukunwari. Namumunga ng katuwiran ang binhi ng kapayapaang itinatanim ng taong maibigin sa kapayapaan… Kaya nga, pasakop kayo sa kapangyarihan ng Diyos. Labanan ninyo ang diyablo at lalayuan kayo nito. Lumapit kayo sa Diyos at lalapit siya sa inyo.” (Santiago 3 Sel.)

“Ito’y ating pinaniniwalaan, at sa ganito tayo mamumuhay”

HANDOG NA AWIT

Narz Jardiniano

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

Deacon Joyce Pakingan

HULING AWITIN

#260) Mata’y Buksan Ng Makakita
(Open My Eyes That I May See)

Mata’y buksan ng matanaw
Ang Iyong kapahayagan;
Susi sa palad ko’y ilagay,
Magbibigay kalayaan
Hintay kitang walang agam
O Dios handa akong mamasdan;
Mata’y buksan at tanglawan,
Diwang banal.

Tainga’y buksan ng marinig
Ang maliwanag Mong tinig
Pas’ya mo kung sa ki’y sumapit ,
Bawat lisya’y maalis.
Hintay kitang walang agam
O Dios handa akong mamasdan;
Tainga’y buksan at tanglawan,
Diwang banal.

Labi’y buksan ng magsaysay
Balita ng kaawaan;
Puso’y gawin na magpatanaw
Pag-ibig Mo kanino man.
Hintay kitang walang agam
O Dios handa akong mamasdan ;
Puso’y buksan at tanglawan
Diwang Banal.

PANGWAKAS NA PANALANGIN

PAGPAPALANG APOSTOL

TATLONG AMEN