ANG TAWAG SA PAGSAMBA

Deacon Rudy Ramos

“Sa aming dalangin, kami’y Iyong dinggin, tugunin Mo Yahweh ang aming pagdaing;..Ikaw ang aming Diyos, Kami’y kahabagan, sa buong mag-hapo’y Siya ang tinatawagan. Panginoon, lingkod Mo’y dulutan ng galak, pagka’t sa Iyo, kaluluwa’y tumatawag. Pakinggan Mo Yahweh, ang aming dalangin, ang aming pagsamba’y Iyong marapatin at tanggapin.”  (Awit 86 Sel.)

PAMBUNGAD NA PANANALANGIN *

MGA PAPURING AWIT

Mike Delfin at Praise Team

PAGBABALITA

ANG SALITA NG DIYOS

Text: Roma 8: 31-39 / Kap. Elena Chavez

                              Ang Pag-ibig ng Diyos

8: 31  Ano pa ang masasabi natin tungkol dito? Kung ang Diyos ay panig sa atin, sino ang makakalaban sa atin? 32 Kung ang sarili Niyang Anak ay hindi Niya ipinagkait, sa halip ay ibinigay para sa ating lahat, hindi kaya Niya ibibigay ng masagana sa atin ang lahat ng bagay? 33Sino ang makakapagharap ng paratang laban sa mga hinirang ng Dios, gayong ang Diyos ang nagpapawalang-sala sa kanila? 34Sino ang hahatol upang sila’y parusahan? Si Cristo Jesus ba na namatay, ngunit higit sa lahat ay muling binuhay, at ngayon ay nasa kanan ng Diyos upang mamagitan para sa atin? 35Sino ang makapaghihiwalay sa atin sa pag-ibig ni Cristo? Ang kaguluhan kaya, ang kapighatian, pag-uusig, pagkagutom, kahirapan, panganib, o kamatayan? 36Ayon sa nasusulat, “Dahil sa inyo’y buong araw kaming pinapatay, turing nila sa amin ay mga tupang kakatayin lamang.” 37Hindi! Sa lahat ng mga ito, tayo’y lalong higit pang magtatagumpay sa pamamagitan niya na nagmamahal sa atin. 38Sapagkat natitiyak kong walang makapaghihiwalay sa atin sa kanyang pag-ibig. Kahit ang kamatayan o ang buhay, ang mga anghel o ang mga pamunuan at ang mga kapangyarihan, ang kasalukuyan o ang hinaharap, 39ang kataasan o ang kalaliman, o alinmang nilalang ay hindi makapaghihiwalay sa atin sa pag-ibig ng Diyos na ipinagkaloob sa atin sa pamamagitan ni Cristo Jesus na ating Panginoon.  

Pinagpala tayo sa pagkabasa at pagkarinig ng Salita ng Diyos.

ANG MENSAHE

“Hinding-Hindi Ka Bibitawan Ng Diyos”
Rev. Eman Orendain

PAHAYAG NG ATING PANANAMPALATAYA

“Magalak kayong lagi, palagi kayong manalangin, at magpa-salamat kayo sa Diyos sa lahat ng pagkakataon; sapagkat ito ang kalooban ng Diyos para sa inyo sa inyong pakikipag-isa kay Cristo Jesus…Nawa’y lubusan kayong gawing banal ng Diyos na siyang nagbibigay ng kapayapaan. At nawa’y panatilihin niyang walang kapintasan ang buo ninyong katauhan, ang Espiritu, kaluluwa at katawan, hanggang sa pagparito ng ating Panginoong Jesu-Cristo. Tapat ang tumawag sa inyo at gagawin Niya ang mga bagay na ito.”  (1 Tesalonica Sel.)

“Ito’y ating pinaniniwalaan, at sa ganito tayo mamumuhay”

HANDOG NA AWIT

Jeanne Sanchez at Mike Delfin

DOXOLOGIA

“Ang AMA ay papurihan. ANAK, ESPIRITUNG BANAL.
Ng mga taong nilalang, at ng tanang sanlangitan. Amen.

PANALANGIN NG PASASALAMAT

Deacon Rudy Ramos

HULING AWITIN

#56) Dios Ang Mag-iingat Sa Iyo
(GOD will take care of you)

Huwag ka ng manglupaypay,
Dios ang papatnubay,
Pakpak Niyang mapagmahal,
Ikaw’y lulukuban.

KORO:
DIOS ang mag-iingat
Sa Iyo sa paglalakad;
At sa bawat landas
DIOS ang mag-iingat.

Ang lahat mong kailangan
Siyang magbibigay
Dalangin mo’y pakikinggan
Di ka tatanggihan. (Koro)

Mabigat man ang pagsubok,
Siyang magku kupkop;
Sa dibdib Niya ang ‘yong lungkot
Lulunasan ng DIOS.  (Koro)

PANGWAKAS NA PANALANGIN

PAGPAPALANG APOSTOL

TATLONG AMEN